Вершы. Наша прырода-25

 

                                                                                               Аляксей Якімовіч

Куст язміну

 

                                                       Спорны дожджык пастараўся:

                                                       Зямлю шчодра напаіў.

                                                       Каля хаты пры дарозе

                                                       Малады язмін расцвіў.

 

                                                       На галінках тонкіх

                                                       Летнія сняжынкі:

                                                       Белыя пялёсткі,

                                                       Жоўтыя тычынкі.

 

                                                       Пахнуць кветкі лета,

                                                       Вабяць прыгажосцю,

                                                       Пчолак запрашаюць

                                                       Да сябе у госці.

 

                                                       Лету не сядзіцца,

                                                       Па зямлі ступае,

                                                       Фарбамі дзівоснымі

                                                       Яе аздабляе.

 

                                                       Беляхцяць на кусце

                                                       Кветачкі-язмінкі.

                                                       У небе праплываюць

                                                       Воблачкі-аўчынкі.

 

                                                       Плывуць, як у дзяцінстве.

                                                       Добра помню гэта.

                                                       Дзянькі прабягаюць,

                                                       Забіраюць лета.

 

                                                       Распрамляю грудзі,

                                                       Кратаю язмінкі.

                                                       Іх пацалавалі

                                                       Цёплыя дажджынкі.

                                                                         2025 год