Вершаваныя народныя прыказкі і прымаўкі (дабро і іншае)

 

Вершаваныя народныя прыказкі і прымаўкі

(дабро і іншае)

 

                                        У вершаванай форме склаў Аляксей Якімовіч

 

              На смелага сабака брэша, а нясмелага кусае,

                                  Рука руку мые, нага нагу падпірае.

                                  На воўка памоўка, а Саўка авечкі крадзе,

                                  Ловіць рыбу ў мутнай вадзе.

 

                                  Мурашка невялікая, а горы капае,

                                  На кані едзе і каня шукае.

                                  Не плюй у крыніцу: прыйдзецца напіцца,

                                  Добра таго страшыць, хто баіцца.

 

                                  Хто з язычком, той і з піражком,

                                 У яго кожнае слова з кручком.

                                 Конь на чатырох нагах, і то спатыкаецца,

                                 Ад іскры і сыр-бор загараецца.

 

                                 Чалавек не яблык: адразу не раскусіш,

                                 Блізка локаць, ды не ўкусіш.

                                 Такі добры, хоць да сэрца прыкладай,

                                 Хоць гарохам у лоб страляй.

 

                                 Каго паважаюць, з тым і кумуюць,

                                 Глухія не ўсё чуюць.

                                 Чорт чорта пазнаў і на пір пазваў,

                                 Не чорт пхаў – сам упаў [1, с. 185 -- 214].

                                                                       2022 год

 

Выкарыстаная літаратура

 

1. Беларускія прыказкі, прымаўкі і загадкі / склад. Яўген Рапановіч. Выд. другое, перапрац. і дап.  – Мінск : Выш. шк., 1974. – 384.