Прыпеўкі для настрою

 

                                                                    Прыпеўкі для настрою

                           

 

                                                                                           Аляксей Якімовіч

Сёння свята у мяне:

                                                        Ў хату ўехаў, навасёл.

                                                        Падарыла цешча мне

                                                        У каністрыку расол.

 

                                                        У магазін цешчу прывёў.

                                                        Думаў: заблудзілася.

                                                        Прысылае эсэмэску:

                                                        “Я тут пасялілася”.

 

                                                        Захварэла мая цешча:

                                                        Забалелі ножкі.

                                                        У лесе ягады збірала:

                                                        Пакусалі мошкі.

 

                                                        Мая цешча з маёй Галяй

                                                        Цешыцца, варкуе.

                                                        А калі мяне сустрэне,

                                                        Як піла, пілуе.

 

                                                        Сваёй цешчы падарыў

                                                        Беленькага коціка.

                                                        Зрабіў коцік туалет

‘                                                       Ля правага боціка.

 

                                                        Падарыў я цешчы

                                                        Беленькага коціка.

                                                        Коцік з мышкамі сябруе,

                                                        Корміць іх ля плоціка.

 

                                                        Мая цешча разышлася:

                                                        Рапірысткай хоча стаць.

                                                        На базар заўтра паедзем:

                                                        Маску ёй трэба купляць.

 

                                                        Мая цешча кажа:

                                                        “Я ўжо не старая”.

                                                        Упрыгожвае яе

                                                        Маска маладая.

 

                                                        Раней цешча надзявала

                                                        Штаны-нагавіцы.

                                                        Цяпер выбірае

                                                        Кароткія спадніцы.

 

                                                        Няма зроку ў цешчы –

                                                        У грыбы ідзе.

                                                        Пра такіх мы кажам:

                                                        Як пугай па вадзе.

 

                                                        Пякуць людзі пірагі

                                                        З тварагом і макам.

                                                        Мы па-іншаму жывём:

                                                        Як каты з сабакам.

 

                                                        З падарункамі прыехаў

                                                        У нашу хату Дзед Мароз.

                                                        У маю цешчу закахаўся

                                                        І дамоў яе павёз.

 

                                                        На дварэ цешча стаяла.

                                                        Акалелі ножкі.

                                                        Дзед Мароз кажух прынёс

                                                        І пагрэў іх трошкі.

                                                                              2022 год