Вершаваныя прыказкі і прымаўкі (праца)

 

Вершаваныя прыказкі і прымаўкі

(праца)

 

У вершаванай форме склаў Аляксей Якімовіч

 

Адно зерне

                                                               Пуды прыносіць.

                                                               Мыш есці не просіць –

                                                               Сама сабе наносіць.

 

                                                               Перасуха ў недасухі

                                                               Сена пазычае.

                                                               Посціць і жывёла,

                                                               Калі гаспадар не мае.

 

                                                               Без гною ці без лубіну

                                                               Хлеба не чакай.

                                                               Мужыку лета,

                                                               Што святому рай.

 

                                                               Дзень выганяе з хаты,

                                                               А ноч прыганяе.

                                                               Хто якім зернем сее,

                                                               Такім і збірае.

 

                                                               Касіць добрага

                                                               Надвор’я не чакаюць.

                                                               Першую працу

                                                               За плот выкідаюць.

 

                                                               Стралец страляе,

                                                               А гаспадарка гуляе.

                                                               Хто дбае,

                                                               Той і мае.

 

                                                                Кармі парсюка мукой –

                                                                Пойдзе рукой.

                                                                Кладзі гной парой –

                                                                Будзе збожжа сцяной.

 

                                                                Касі ў дождж,

                                                                То ў надвор’е зграбеш.

                                                                Лета прагуляўшы,

                                                                         Восенню не збярэш   [1, с. 96 -- 125].

                                                                                      2022 год

 

Выкарыстаная літаратура

 

1. Беларускія прыказкі, прымаўкі, фразеалагізмы  / склаў Ф. Янкоўскі. – 2-е выд., дап. -- Мінск : Выд-ва АН БССР, 1962. – 556 с.